 |
DAUÐI TRÚÐSINS > RÚV 2008
Útvarpsleikrit í 19 þáttum byggt á samnefndri bók Árna Þórarinssonar í leikgerð Hjálmars Hjálmarssonar. Leikstjóri: Guðmundur Ingi Þorvaldsson Helstu leikarar: Hjálmar Hjálmarsson, Jóhann Sigurðarson, Sigurður Hrannar Hjaltason og Guðrún S. Gísladóttir. UM VERKIÐ: Ganga draugar ljósum logum á björtum sumarnóttum um gamalt, yfirgefið hús á Akureyri? Þar er eitthvað á seyði og í gúrkutíð er allt hey í harðindum fyrir Einar blaðamann á Síðdegisblaðinu. Sumarhátíðin "Allt í einni" er að hefjast um verslunarmannahelgina og þúsundir gesta streyma til höfuðstaðar Norðurlands til að skemmta sér. Um leið kvisast út að stjörnur frá Hollywood séu komnar í bæinn fyrir tökur á erótískri spennumynd. Þá er gúrkutíðin úti Áður en Einar blaðamaður og Ólafur Gísli Kristjánsson yfirlögregluþjónn vita af hrannast verkefnin upp. Hver er unga stúlkan sem finnst myrt í gamla húsinu? Hver er dularfulla konan í símanum sem kveðst vera skyggn? Hvað er veruleikinn og hvað er sjónarspil?. UM TÓNLISTINA: Tónlistin er að grunni til sú sama og notuð var í Tíma Nornarinnar. Hún var þó endurútsett fyrir dauða trúðsins og hallaði ég mér mjög að Kinks laginu sem bókin heitir eftir "Death of a clown". |
||||
|
[ T Ó N D Æ M I ] |
|||||